小春當年憑電影《古惑仔》系列名成利就，適逢昨日在港補搞婚禮，鄭伊健、謝天華、朱永棠、林曉峰等《古惑仔》中流砥柱變成「戥穿石」，齊賀小春小登科。其實小春與應采兒今年二月十四日已在美國註冊結婚，但因為陳父不良於行，沒有前往美國，所以小春決定在港補搞婚禮，一圓老父心願。
咀足九秒全場起哄
婚禮昨日假迪士尼酒店舉行，在小春要求下，一眾兄弟齊齊穿上西裝加短褲出席，驟眼看來，伊健、天華等人的打扮儼如日本偵探漫畫主角柯南，造型令人忍俊不禁。婚禮上再加上有張耀揚出現，更似在搞「古惑仔派對」。
阮兆祥拿着iPad扮神父宣讀誓詞，一對新人笑得合不攏嘴。
擔任婚禮司儀的阮兆祥果然識搞氣氛，鑑於一對新人早於美國註冊，祥仔即時牧師上身，拿iPad當聖經宣讀誓詞，一對新人跟住祥仔同讀誓詞，場面搞笑。婚禮儀式完成後，一對新人依足繁文縟節合卺交杯，然後切蛋糕和簽紙，小春更與新娘子咀足九秒，所有賓客齊齊起哄。
小春受訪時表示，前晚緊張得難以入睡，擔心會被姊妹團玩殘，果然最後一一應驗。他說：「今朝接新娘，老婆形容兄弟好似侏羅紀，兄弟爆門入內，真係好似古惑仔，姊妹耳環都被扯甩。今朝有個遊戲，要兄弟用腳喺冰筒夾麻雀，我梗係唔夾啦，留番畀阿澤夾。不過要我飲番啲腳水都OK，因為兄弟嘅水血濃於水。」談到補搞婚禮，小春說：「因為老竇坐輪椅冇去到美國，今日係為佢而搞，佢係第一個喊嘅人！而余文樂有到都好開心，因為佢生日都嚟，好有心！」
來源自東方日報網上新聞
